Блог статистикасы
195
Жазбалар
5213
Өтініштер
211837
Келушілер
Облыстық Басқармалар
(жергілікті бюджеттен қаржыландырылатын)
Областные управления и департаменты
(финансируемые из республиканского бюджета)

новости город Аркалык

Мекенжай бойынша әр төртінші тіркеу egov.kz арқылы жүргізілген
17.03.2020

Мекенжай бойынша әр төртінші тіркеу egov.kz арқылы жүргізілген Қазақстандықтар мекенжай бойынша тұрақты тіркеуге тұру үшін ХҚО-ның онлайн баламасы – egov.kz таңдай бастады. Былтырғы көрсеткіштерді есепке алатын болсақ, ХҚО арқылы 1,5 млн адам, онлайн түрде 479 мың адам тіркеу рәсімін жүзеге асырған, сәйкесіншеәр төртінші азамат тұрғылықты тіркеу рәсімін электронды түрдежүргізген. Аймақтық бөліністе қарайтын болсақ, мекенжай бойынша тіркеуге онлайн тұрушылар үлесі Нұр-Сұлтан қаласында көп – 91 мың адам, одан кейін Қарағанды (39 мың) мен Павлодар (23 мың) облыстары. Бұл ретте, ең төменгі көрсеткіш Атырау облысына тиесілі (6 мың адам). «Электронды жаңашылдықтарды құп көретін азаматтардың саны өскені қуантады. Онлайн түрде тіркеуге тұру – уақытты үнемдеп қана қоймай, «Прописканы» сататын делдалдардың жұмысына да тосқауыл болады», – дейді «Азаматтарға арналған үкімет» мемлекеттік корпорациясының басқарма төрайымы Әсемгүл Балташева. Биылғы жылдың қаңтар айындағы көрсеткіш бойынша онлайн түрде мекенжей тіркеуіне тұрушылар саны біршама өскен.Бұл қызметті алу үшін 184 мың адам ХҚО-ға жүгінсе, 63 мың азамат ешқайда бармай-ақ онлайн түрде жүзеге асырған. Бүгінде мекенжай тіркеуін жасату үшін тіркеуге қоюшы және тіркелуші тараптың ЭЦҚ-сы болуы тиіс. Азамат egov.kz-ке тіркелетін мекенжай мен жеке мәліметтерін жазса, баспана иесі оған рұқсатты жеке кабинетіне келген сұрауды мақұлдау арқылы береді.

Қазақстандықтардың VIP көлік нөмірлеріне деген сұранысы азайған
16.03.2020

Қазақстандықтардың VIP көлік нөмірлеріне деген сұранысы азайған Көліктердің VIP санатындағы мемлекеттік тіркеу нөмірлері 2014 жылдан бері сатылымда бар. Қазақстандықтар қалауынша сандар тізбегін таңдап, бірдей әріптерге тапсырыс бере алады. 2019 жылы ел азаматтары автоХҚО арқылы 3,018 млрдтеңгеге 12 658 ерекше тіркеу нөмірін сатып алған. Бұл қаржылай көрсеткіш 2018 жылмен салыстырғанда жарты миллиард теңгеге кем. Онда қазақстандықтар 14 909 VIP нөмірі үшін 3,560 млрд теңге жұмсаған. Айта кетейік, ол уақытта мамандандырылған ХҚО-мен қатар ерекше нөмірлерді полицияның тіркеу-емтихан алу бөлімдері де рәсімдейтін. Бүгінде ерекше сандар мен әріптердің тізбегін көп сатып алатындардың рейтингін Алматы, Нұр-Сұлтан мен Шымкент қалаларының тұрғындары бастап тұр. Көлік иелері жаңадан сатып алған темір тұлпарына ерекше нөмірлерді мамандандырылған ХҚО немесе egov.kz арқылы онлайн тіркеу барысында таңдай алады. Сондай-ақ егер азаматтың бұрыннан VIP-нөмірі болса, жаңадан алған көлігіне алты ай ішінде сол нөмірді қайта рәсімдеуге құқығы бар.

Азаматтың әскери қызметке қатынасы туралы анықтаманы Egov.kz электронды үкімет...
12.03.2020

Азаматтың әскери қызметке қатынасы туралы анықтаманы Egov.kz электронды үкімет порталында онлайн немесе ХҚО-да алуға болады. 1.Қызметті онлайн алу: • Порталда авторизациядан өткеннен кейін "Әскери есеп және қауіпсіздік" бөлімінен қажетті қызметті тауып, «Онлайн сұратым» батырмасын басыңыз. • Өтінімді толтырып оған ЭЦҚ немесе смс-паролінің көмегімен қол қойыңыз. Ол үшін сіз міндетті түрде мобильдік азаматтар базасына тіркелуіңіз керек. • Жеке кабинетіңіздегі «Қызметтерді алу тарихы» бөлімінде 5 минут ішінде өтінішіңіздің нәтижесімен таныса аласыз. 2.Қызметті «Азаматтарға арналған үкімет» арқылы алу:ХҚО-ға жеке куәлігіңізбен барып өтініш жазасыз. Бұл ретте қабылдау қызмет алушының тіркелген жері бойынша жүзеге асырылады.

Бірыңғай жиынтық төлем дегеніміз не?
12.03.2020

Бірыңғай жиынтық төлем дегеніміз не? 2019 жылдан бастап өзін өзі жұмыспен қамтыған азаматтар ай сайын біріңғай жиынтық төлемін (БЖТ) төлеуі тиіс. БЖТ төлемінің ай сайынғы мөлшері қала тұрғындары үшін – 1 АЕК, ауыл тұрғындары үшін – 0,5 АЕК. БЖТ кім төлейді? Өзін өзі жұмыспен қамтушы азаматтар БЖТ төлеушілері болып танылады және олар келесі шарттарға сәйкес келу қажет: бірыңғай жиынтық төлемді төлеген; жалдамалы қызметкерлердің еңбегін пайдаланбайды; акцизделетін өнімдерді қоспағанда, салық агенттері болып табылмайтын жеке тұлғаларға ғана қызмет көрсетеді және (немесе) салық агенттері болып табылмайтын жеке тұлғаларға ғана акцизделетін өнімді қоспағанда, өз өндірісінің жеке қосалқы шаруашылығының ауыл шаруашылығы өнімдерін өткізеді. Бұл ретте, БЖТ төлеушілері табысының мөлшері жылына 1175 АЕК-тен аспауы тиіс. БЖТ қашан және қалай төлеу қажет? БЖТ-ні табыс алынған әр ай үшін жеке-жеке төлеу қажет. Сондай-ақ келесі айларға аванс төлеу мүмкіндігі бар. БЖТ-ні Қазақстанның кез келген банкі кассаларында, олардың мобильді қосымшаларында, сондай-ақ "Қазпошта" бөлімшелерінде төлеуге болады. Ол үшін өзінің жеке куәлігін көрсетіп, "183" ТТК бойынша "Азаматтарға арналған үкімет" МК КЕАҚ банктік шотына төлем жүргізу қажет. БЖТ сомасы салықтар бойынша қалай бөлінеді? Бірыңғай жиынтық төлем сомасын "Азаматтарға арналған үкімет" МК КЕАҚ келесі пропорцияда бөледі: 10% – жеке табыс салығы (ЖТС); 20% – әлеуметтік аударымдар (ӘА); 30% – міндетті зейнетақы жарналары (МЗЖ); 40% – міндетті медициналық сақтандыруға аударымдар (МӘМС). Дербес жұмыспен қамтылған жеке тұлғаларға БЖТ төлеу: міндетті әлеуметтік медициналық сақтандыру жүйесінің қатысушысы болуға; ✅зейнетақы жинақтарын жүргізуге мүмкіндік және зейнетақы жүйесіне қатысу өтіліне байланысты базалық зейнетақы төлемін алуға құқық береді; ✅еңбек ету қабілетінен айырылған, жұмысынан айырылған, асыраушысынан айырылған, жүктілік пен босану, бала асырап алған, 1 жасқа дейінгі бала күтімі жағдайларында әлеуметтік төлемдер алуға мүмкіндік береді.

Азаматтарға арналған үкімет басшысы мемлекеттік қызметтерді онлайн түрде алуға...
10.03.2020

Азаматтарға арналған үкімет басшысы мемлекеттік қызметтерді онлайн түрде алуға шақырады Бұл туралы «Азаматтарға арналған үкімет» мемлекеттік корпорациясының басқарма төрайымы Әсемгүл Балташева өзінің Facebook парақшасында мәлімдеді. Ол вирустың таралу қаупі алдында цифрландырудың инфекцияны алдын алу мен қорғанудың тиімді шараларының бірі екенін атап өтті. «Цифрлық инновациялар көптеген мүмкіндікке жол ашады, ресурстарды үнемдейді, өмірімізді жеңілдетеді. Көп нәрсені бүгінде онлайн тындыруға, тауарларға тапсырыс беруге, төлемдерді, салықты, айыппұлдарды өтеуге, тіпті құжаттар мен мемлекеттік қызметтерді электронды форматта алуға болады. Мұның барлығы цифрлы технологиялардың арқасы», – деп атап өтті ол өз жазбасында. Осылайша, Балташева «Цифрлы мен» акциясының басталғанын мәлімдеп, қазақстандықтарды бір-бірімен өздерінің пайдаланып жүрген цифрлық жаңашылдықтарымен бөлісуге шақырды. Мәселен, корпорация төрайымы ХҚО-ға тек жұмыс бабымен баратынын, ал қажетті құжаттар мен анықтамаларды алу үшін egov.kz пайдаланатынын, қазақ-түрік лицейінде оқитын ұлының үлгерімін edypage арқылы тексеретінін айтты. Ол сонымен қатар театр мен ұшаққа билеттерді интернетте сатып алатынын жазды. Пост авторы электронды түрде үйіне азық-түлік алдыртып, кітапқа тапсырыс бере алатынын да қосып өтті. Айта кетейік, Әсемгүл Балташева эстафетаны ҚР Парламенті Мәжілісінің депутаты Майра Айсинаға, ҚР Қаржы вице-министрі Руслан Еңсебаевқа және «Ұлттық ақпараттық технологиялар» АҚ басқарма төрағасы Әсет Тұрысовқа тапсырды, осылайша олар өздерінің цифрлық дағдыларын қазақстандықтармен бөлісе алады.

хат жіберу